عام عورت اور طوائف میں فرق

عام بھولی بھالی عورت اور طوائف میں کیا فرق ہوتا ہے؟
ہوتی تو دونوں عورتیں ہی ہیں پھر کیوں عام عورت ایک پاکیزہ محبت کے بعد ٹوٹ جاتی ہے؟
اور کیوں طوائف ایک کے بعد ایک تعلق بنائے جاتی ہے اور پھر بھی خود کو ٹوٹنے نہیں دیتی؟
عورت کی طاقت اسکے جذبات میں ہوتی ہے.
طوائف جسم تو دے دیتی ہے مگر کبھی بھی اپنے جذبات تک کسی بھی مرد کو پہنچنے نہیں دیتی جبکہ
عام عورت جب محبت کرتی ہے تو سب سے پہلے اپنے جذبات دیتی ہے.
وہ جسم دے یا نہ دے مگر
اسکے آنسو، اسکی خوشی، اسکی دوسری عورتوں اور اس انسان کے دوستوں سے جلن اور دعائیں بس اسی انسان سے منسوب ہوجاتے ہیں جس سے وہ محبت کرتی ہے.
اکثر دیکھنے میں آتا ہے کہ لوگ ایک عورت کو کسی سے بات کرتا دیکھ کر فیصلہ سنادیتے ہیں کہ یہ اس آدمی میں دلچسپی لے رہی ہے. یا کبھی کبھی عورت کسی سے ہمدردی کر رہی ہوتی ہے اور اسے یہ خوش فہمی ہوجاتی ہے کہ اسے اس انسان سے محبت ہے. لیکن اسکے جانے کے بعد وہ دوسرے انسان کی محبت سر پر سجائے نظر آتی ہے. تو لوگ سمجھتے ہیں کہ یہ بھی طوائف ہے.
نہیں.
ایک تعلق کے بعد دوسرے تعلق کا مطلب ہے کہ اس نے پہلے انسان کو اپنے جذبات نہیں دیئے تھے. جسے وہ اور دنیا محبت سمجھ بیٹھے وہ اسکی دوستی یا ہمدردی تھی. پہلی بار بچ سکتی ہے مگر دوسری بار نہیں. آخر ٹوٹ ہی جاتی ہے. پھر اپنی زندگی میں کبھی کسی اور انسان کو آنے نہیں دیتی. نہ کسی پر اعتبار کرتی ہے نہ شادی کا نام لیتی ہے. شادی کر بھی لے پھر بھی ساری زندگی زندہ لاش بن کر گزار دیتی ہے. اور اپنے خاندان کو سنبھال بھی نہیں پاتی.
میں مردوں سے بس اتنی درخواست کرنا چاہتا ہوں کہ انٹرنیٹ کی اکثر لڑکیاں بھولی عورتیں ہیں. ان کو طوائف سمجھ کر محبت کا کھیل نہ کھیلنا.
یہ ٹوٹ جائیں گی اور
اگر عورت ٹوٹ جائے تو ایک خاندان ، ایک نسل ٹوٹ جاتی ہے.
خدا کے ہاں اپنا نام ظالمین میں مت لکھوانا.